മയില്‍‌പീലി

അവളുടെ പുസ്തക താളുകളില്‍ 

ഒളിപ്പിച്ച മയില്‍പീലിയും ..

മൈലാഞ്ചി കൈകളില്‍ മുറുക്കിപിടിച്ച

മഷി തണ്ടുകളെയും ആയിരുന്നു ..

ഞാന്‍ ആദ്യമായി  സ്നേഹിച്ചത്. 

മയില്‍‌പീലി പെറ്റു പെരുകുന്നത് കാത്ത്

ഞാന്‍ അവളോട്‌ ചേര്‍ന്നിരുന്നു .

പിന്നീട് ഒരവധി കാലത്ത് അവള്‍ -

ദൂരെയുള്ള സ്കൂളില്‍ ചേര്‍ന്നു.

അന്നായിരുന്നു എന്‍റെ കണ്ണുകള്‍ 

അവളെ സ്നേഹിക്കുന്നത് ഞാനറിഞ്ഞത് 

മുരിക്കിന്‍ വേലികള്‍ കിടയിലൂടെ 

അവളെ തേടാത്ത പകലെനിക്കില്ലായിരുന്നു

മയില്‍പീലിയും മഞ്ചാടി  കുരുവുമായി 

ഞാന്‍ കാത്തിരുന്നു. വീണ്ടുംകാണാന്‍ 

നിഷ്കളങ്ക മനസ്സുമായ് എത്രയോകാലം 

ഇന്നും നൊമ്പരമായിഎന്‍റെ  കളികൂട്ടുകാരി 

ഇപ്പോഴും അവളെ യോര്‍ക്കുമ്പോള്‍ 

എന്‍റെ കണ്‍ മയില്പീലികള്‍ക്ക്അന്നത്തെ-

മഷിതണ്ടിന്‍അതെ നനവായിരുന്നു .