കേരള .. ദല്‍ഹി ഡയറി 

കോണ്‍ഗ്രസ്‌ ഹൈകമാന്റ്  കാണാതെ പോയത്.... 

      സോളാര്‍ സരിത വിഷയത്തില്‍ ഉണ്ടായ ഭരണ പ്രതിസന്ധിയും കോണ്‍ഗ്രസ്‌ ഗ്രൂപ്പ്‌ പോരും n ss ,s n d p പോലുള്ള മത സമുദായ സംഘടനകളുമായി u d f ന് ഉണ്ടായ പടല പിണക്കങ്ങളും വേണ്ട വിധം മനസ്സിലാക്കി തക്ക സമയത്ത്  ഒരു നിലപാട് എടുക്കാന്‍ കൊണ്ഗ്രെസ്സ് നേതൃത്വത്തിനു കഴിയാതെ പോയത് ആന മണ്ടത്തരമായി പോയി .

                                   കാരണം സരിത വിഷയം വരുന്നത് വരെ u d fന് വലിയ രാഷ്ട്രീയ പ്രധിസന്ധി ഉണ്ടായിരുന്നില്ല ..n ss ,s n d p യുമായി ബന്ധപെട്ട ചില്ലറ വിഷയങ്ങള്‍ ഒഴിച്ച്. പ്രത്യകിച്ച്  ടി പി വധവുമായി ബന്ധപെട്ടു ഇടതു പക്ഷതിനുണ്ടായ ക്ഷീണത്തില്‍ നിന്ന് അവര്‍ മോചിതരാകാതെ ഇഴഞ്ഞു നീങ്ങുമ്പോള്‍ കിട്ടിയ സരിത വിഷയം പുറത്തു വരികയും അതില്‍ മുഖ്യ മന്തിയുടെ ഓഫീസിനു പങ്കുണ്ടെന്ന് u d f കാര്‍ തന്നെ ആരോപിക്കുകയും അത് സത്യമാണെന്ന് തെളിയുകയും ചെയ്ത സാഹചര്യവും അതിനോടനുബന്ധിച്ചു ഉണ്ടായ പ്രശ്നങ്ങളും u d f ന്‍റെ പ്രതിച്ചായ തകര്‍ന്നു ..ഇടതു പക്ഷം ശക്തമായ സമര പരിപാടികള്‍ നടത്താന്‍ തീരുമാനിച്ചപ്പോള്‍ തന്നെ കൊണ്ഗ്രെസ്സ്നേതൃത്വം ബുദ്ധി പൂര്‍വ്വം ഇടപെടെണ്ടിയിരുന്നു ..ലോക സഭ തിരഞ്ഞെടുപ്പ് അടുക്കാറായ സാഹചര്യത്തില്‍ വീണ്ടും കേന്ദ്രത്തില്‍ ഒരിക്കല്‍ കൂടി ഭരണം കിട്ടുമോ എന്നാ ആശങ്ക നിലനില്കുന്ന സമയത്ത് രണ്ടു വര്ഷം ഭരിച്ച ഉമ്മന്‍ ചാണ്ടിയെ മാറ്റി രമേശ്‌ ചെന്നിത്തലയെ മുഖ്യമന്ത്രി അക്കേണ്ടിയിരുന്നു ..കെ പി സി സി പ്രസിഡണ്ട്‌ ആയി വി സുധീരനെയും നിയമിചിരുന്നെങ്കില്‍  കൊണ്ഗ്രെസ്സിനെ പിന്തുണച്ചിരുന്ന ..ഇപ്പോള്‍ പിണങ്ങി നില്‍കുന്ന n ss ,s n d p പോലുള്ള സംഘടനകളുടെ  പിന്തുണ ഈ പാര്‍ലമെന്റ്റ് തിരഞ്ഞെടുപ്പില്‍ ലഭിക്കുകയും കൊന്ഗ്രെസ്സിനകത്തെ പ്രതിസന്ധി ഒരളവോളം പരിഹരിക്കപെടുകയും  ഒരു പത്ത് ലോക സഭ സീറ്റ് കേരളത്തില്‍ നിന്ന്u d f ന് ലഭിക്കുകയും ചെയ്യുമായിരുന്നു .ഇടതു പക്ഷത്തിനു വീണ്ടും പഴയ ശക്തി ലഭിക്കുകയും ചെയ്യില്ലായിരുന്നു . 

       ഇടതുപക്ഷത്തിന്‍റെ വിജയം ....ടി പി വധ ആരോപണത്തിന്റെ ക്ഷീണത്തില്‍ കഴിയുമ്പോഴാണ് സോളാര്‍  വിഷയം ഉയര്‍ന്നു വന്നത് .കിട്ടിയ അവസരം മുതലെടുക്കുകയും u d f ല്‍ തന്നെയുള്ള പി സി ജോര്‍ജ് അടക്കമുള്ള ആളുകളുടെ പിന്തുണയും കൂടിയായപ്പോള്‍ സി പി എം അതിന്റെ പഴയ ശക്തിയിലേക്ക് ഉയര്‍ന്നു .സര്‍ക്കാരിനെതിരെ പ്രതിപക്ഷം അത് വരെ ചെയ്ത ചില സമരങ്ങളില്‍ ജന പിന്തുണ വേണ്ടത്ര ഉണ്ടായിരുന്നില്ല.എന്നാല്‍  സോളാര്‍ വിഷയത്തില്‍ ജനം ഇടതു പക്ഷത്തോടൊപ്പം നിന്നു .സെക്രടരിയെറ്റ് ഉപരോധം വന്‍ ജന പിന്തുണ ലഭിച്ചെങ്കിലും അതിന്‍റെ അവസാനം വേണ്ടത്ര ശോഭ ലഭിച്ചില്ല എന്നാ അഭിപ്രായം ഉയര്‍ന്നു ..

                                  പക്ഷെ ഇവിടെയാണ് സി പി എം ന് വൈകി ബുദ്ധി ഉദിച്ചത് .ഉപരോധ സമരം കൂടുതല്‍ ദിവസത്തിലേക്ക് നീങ്ങുകയാണെങ്കില്‍ സമരം  ശക്തി പ്രാപിച്ചു പ്രവര്‍ത്തകരില്‍ നിന്ന് വല്ല അനിഷ്ട സംഭവം ഉണ്ടാകുകയോ ചെയ്താലോ ...പൊതു താല്പര്യ പ്രകാരവും സര്‍ക്കാര്‍ ഉധ്യോഗസ്തര്‍  ഹൈകോടതിയില്‍ കൊടുത്ത പരാതി പ്രകാരം കോടതിയുടെ വല്ല ഇടപെടല്‍ ഉണ്ടാകുകയോ..ഭരണ സിരാകേന്ദ്രം കുറെദിവസം തുറക്കാതിരിക്കുകയും  ജനങ്ങളുടെ അടിസ്ഥാന പ്രശ്നങ്ങള്‍ക്ക്പരിഹാരം കാണാന്‍ അവസരം ഇല്ലാതിരിക്കുകയും ..തിരുവനന്തപുരം നഗരം ലക്ഷ കണക്കിന് പ്രവര്‍ത്തകരുടെ മാലിന്യതാല്‍ ചീഞ്ഞു നാറുമെന്നും. അത് l d f ന് വന്‍ തിരിച്ചടി നേരിടുമെന്ന് നേതൃത്വം മനസ്സിലാക്കിയത്‌ പ്രകാരമാണ് ഒരു പാതി അവസരത്തില്‍ സമരത്തില്‍ നിന്ന് പിന്തിരിഞ്ഞത് .

                                                                    അത് മാത്രമല്ല ഇടതു പക്ഷത്തിന്‍റെ ജനരോക്ഷത്തിന്റെ ഭാഗമായോ ഉമ്മന്‍ ചാണ്ടി രാജി വെച്ച് പോകേണ്ടി വന്നാല്‍ ഞാന്‍ നേരത്തെ സൂചിപ്പിച്ച പോലെ രമേശ്‌ മുഖ്യമന്ത്രിയാകുകയും സുധീരന്‍ ;കാര്‍ത്തികേയന്‍ ആരെങ്കിലും ഒരാള്‍  കെ പി സി സി പ്രസിഡണ്ട്‌ ആകുകയും ചെയ്താല്‍ യു ഡി എഫ്ന് നഷ്ട പെട്ട പഴയ ജന പിന്തുണ ലഭികുമെന്നും എല്‍ ഡി എഫ് തിരിച്ചറിഞ്ഞു .ഉമ്മന്‍ ചാണ്ടി ഈ വരുന്ന ലോക് സഭ തിരഞ്ഞെടുപ്പ് വരെ തുടരണം എന്ന് ഇടത് പക്ഷം ആഗ്രഹിക്കുന്നു ..തിരഞ്ഞെടുപ്പ് വരെ കരികൊടി പ്രയോഗവുമായി സമര രംഗത്ത് നിലയുറപ്പിച്ച് അണികളെ തൃപ്തി പെടുത്തുകയും മൊത്തം വോട്ടര്‍മാരില്‍ ഗവര്‍മെന്റിനെതിരെ ഒരു സംശയത്തിനു ഇട നല്‍കുകയും ചെയ്തു കൊണ്ടിരിക്കും  ഉമ്മന്‍‌ചാണ്ടിതിരഞ്ഞെടുപ്പ് വരെ തുടര്‍ന്നാല്‍ തീര്‍ച്ചയായും സോളാര്‍ വിഷയവും കൊണ്ഗ്രെസ്സിലെ ഗ്രൂപ്പ്‌ പ്രവര്‍ത്തനം മൂലവും യു ഡി എഫ് തകരും അത് ഇടതു പക്ഷത്തിനു നല്ല ഒരു വിജയം സമ്മാനിക്കും ...അപ്പോള്‍ യു ഡി എഫ് നുണ്ടായ ദയനീയ പരാജയത്തില്‍ ഉമ്മന്ചാണ്ടിക്ക് മുഖ്യ മന്ത്രിയായി തുടരാന്‍ കഴിയില്ല ..ആ സമയത്ത് ഐ ഗ്രൂപ്പ്‌ വേണ്ട ചരട് വലി ഡല്‍ഹിയില്‍ നടത്തും രമേശ്‌ മുഖ്യമന്ത്രിയാകും.

           ലോകസഭ തിരെഞ്ഞെടുപ്പ് കഴിയുമ്പോള്‍ ഇടതുപക്ഷം മറ്റൊരു കളി കൂടി കളിക്കും യു ഡി എഫ് മുന്നണിയില്‍ നിന്ന് ആരെയെങ്കിലും ചാടിക്കാന്‍ ശ്രമിക്കുകയും ചെയ്യും ..അത് വിജയം കാണാനാണ് കൂടുതല്‍ സാധ്യത .പല ചെറു പാര്‍ട്ടികള്‍ ഇപ്പോള്‍ തന്നെ ചാടാന്‍ നില്കുന്നുണ്ട് പക്ഷെ ഇപ്പോള്‍ അതിന് ശ്രമികില്ല . അങ്ങിനെ വന്നാല്‍ സംസ്ഥാന ഭരണവും പാര്‍ലമെന്റില്‍ ഇടതുപക്ഷത്തിന്  കൂടുതല്‍ എം പി മാരെയും ലഭിക്കും .കേരളം സമ്പൂര്‍ണമായി ഇടതു പക്ഷത്തിന്‍റെ കൈകളില്‍ ചെന്ന് ചേരുകയും ചെയ്യും .അധികാര കൊതിയനായ ഉമ്മന്‍ ചാണ്ടിക്ക് അറിയാം കേരളത്തില്‍ എങ്ങിനെ പാലും തേനും ഒഴുക്കി ഭരിച്ചാലും ഈ അഞ്ചു വര്ഷം കഴിഞ്ഞാല്‍ യു ഡി എഫ് ന് വീണ്ടും അധികാരത്തില്‍ വരാന്‍കഴിയില്ല എന്ന്.രണ്ടു വട്ട സാധ്യത  കേരളത്തില്‍ കുറവാണെന്നും പിന്നീട് ഒരു അഞ്ചു വര്‍ഷത്തിനു ശേഷം ഭരണം കിട്ടിയാലും തനിക്ക് മുഖ്യമന്ത്രി യാകാന്‍ അവസരം കിട്ടില്ലെന്നും മനസ്സിലാക്കിയ ഉമ്മന്‍ കിട്ടുന്ന ദിനങ്ങള്‍ നഷ്ട പെടുത്താതെ അധികാര സുഖത്തില്‍ അലിയും ..വ്യക്തമായ ലോക വീക്ഷണമോ രാഷ്ട്രീയ കാഴ്ചപാടോ ഇല്ലാതെ കൊണ്ഗ്രെസ്സ് നേതൃത്വം ഇരുട്ടില്‍ തപ്പുന്നു .

സി പി ഐ യെം,മിന് സമരങ്ങളില്ലാത്ത കാലം. 

ഒരു വര്‍ഷത്തോളമായി സി പി ഐ യം പ്രതിപക്ഷത്ത് ഇരിക്കാന്‍ തുടങ്ങിയിട്ട് .ഒരു വര്‍ഷത്തിനുള്ളില്‍ ശക്തമായ ഒരു സമരത്തിന്‌ പോലും സി പി ഐ യം മിന് നേതൃതം കൊടുക്കാന്‍ കഴിഞ്ഞിട്ടില്ല .സാധാരണ പ്രതി പക്ഷത്ത്‌ ഇരിക്കുമ്പോള്‍ എന്നും സമരം നടത്തുന്ന പാര്‍ട്ടിയാണ്.ബ്രാഞ്ചു സമ്മേളനം തൊട്ടു സംസ്ഥാന സമ്മേളനം വരെ നടക്കുന്നതിനാല്‍ എല്ലാ പാര്‍ട്ടി പ്രവര്‍ത്തകരും സമ്മേളന തിരക്കിലാണ്.പര്ട്ടിയുണ്ടെകിലെ സമരം ചെയ്യാന്‍ പറ്റുകയുള്ളൂ .  ഏകദേശം ആറു മാസത്തോളം കാലം ഇതിനായി മാറ്റിവെച്ചു.

 അപ്പോഴാണ് ജേക്കബ്ഇന്‍റെ അകാല വിയോഗം .തീര്‍ച്ചയായും ഉപ തിരഞ്ഞെടുപ്പ്  വരും .ആകെ രണ്ടു സീറ്റിന്‍റെ കുറവിലാണ് ഉമ്മന്‍ ചാണ്ടി വിലസുന്നത് അതിനൊരു ഷോക്ക്‌ കൊടുക്കാന്‍ നല്ല ഒരു അവസരം വന്നത് അത് ശരിക്കും ഉപയോഗിക്കണം .പിറവം തിരെഞ്ഞെടുപ്പിനുനേതൃതം കൊടുക്കാന്‍  നേതാക്കന്മാര്‍ കൂട്ടത്തോടെ പിറവതെക്ക് പോയി .ഇനിയിപ്പോ കൊഴികോട്ടു വെച്ചു നടക്കുന്ന പാര്‍ട്ടി കോണ്‍ഗ്രസ്സും കഴിയുമ്പോള്‍  നെയ്യാറ്റിന്‍കര  ഉപ തിരെഞ്ഞെടുപ്പും .അത് കഴിയുമ്പോള്‍ യു ,ഡി ,എഫ് ആരെയെങ്കിലും ചാക്കിട്ടു പിടിച്ചാല്‍ പിന്നെ നോക്കുകയും വേണ്ട .നാല് പേര് കൂടി ചാടാന്‍ ഉണ്ട് എന്നാണ് പി സി ജോര്‍ജ് പറയുന്നത് .അല്ലെങ്കില്‍  സി പി ഐ യം, യു ഡി എഫില്‍ നിന്നും ആരെയെങ്കിലും ചാക്കിട്ടു പിടിച്ചാലും മതി. കുറഞ്ഞ നാളുകല്‍കുള്ളില്‍ നമ്മുടെ നാട്ടില്‍ പല കളികളും നടക്കും .ഗവര്‍മെന്റിനെതിരെ യാണെങ്കില്‍ ക്ലച് പിടിക്കുന്ന ഒരു സമരവും കിട്ടുന്നുമില്ല .അല്ലെങ്കില്‍ നമ്മുടെ നാട്ടില്‍ സമരം ചെയ്യാനുള്ള പ്രശ്നങ്ങള്‍ ഇല്ലാഞ്ഞിട്ടാണോ.സമരങ്ങള്‍ ഇല്ലെങ്കില്‍ സി ,പി, ഐ, യെം തളരും .ഒരു നൂറു കൂട്ടം പ്രശ്നങ്ങള്‍ നമ്മുടെ നാട്ടിലുണ്ട് .എല്ലാത്തിലും ഉപരി  ജനങ്ങളുടെ പ്രശ്നങ്ങള്‍ക്കായിരിക്കണം മുന്‍‌തൂക്കം കൊടുക്കേണ്ടത് ഇല്ലെങ്കില്‍ ജനങ്ങള്‍ കൂടെ നില്‍ക്കില്ല  മറക്കരുത് . ഓര്‍മ്മകള്‍ ഉണ്ടായിരിക്കണം .

മൌനി ബാബ

കേന്ദ്ര പ്രതിരോധ സഹ മന്ത്രി എ കെ ആന്റണി യെ കുറിച്ച്  വി എസ് അച്യുതാനന്ദന്‍ പറഞ്ഞ മൌനി ബാബ പ്രയോഗം സന്ദര്‍ഭത്തിന് ചേര്‍ന്നു.

കാരണം കുറെ കാലമായി തിരഞ്ഞെടുപ്പ് അടുക്കുമ്പോള്‍ മാത്രം കേരളത്തില്‍ വന്നു പത്ര സമ്മേളനം നടത്തി തിരിച്ചു ഡല്‍ഹിക്ക് പോകുന്നതാണ് കാണുന്നത് .കേരളത്തെ പിടുച്ചു കുലുക്കിയ മുല്ല പെരിയാര്‍ വിഷയത്തിലും ,ഇറ്റാലിയന്‍ കപ്പല്‍ ആക്രമണത്തിലും ,റയില്‍വേ ബജറ്റിലും ഒന്നും കേരളത്തിന്‌ വേണ്ടി സംസാരിക്കാനും അര്‍ഹമായത് വാങ്ങിയെടുക്കാനും ഒന്നും കാണുന്നില്ല .അത് പോലെ തന്നെ യു ഡി എഫ് ന്‍റെ അര ഡസന്‍ കേന്ദ്ര മന്ത്രിമാര്‍ ഡല്‍ഹിയില്‍ എന്താണ് ചെയ്യുന്നത് എന്ന് പരിശോധികെണ്ടിയിരിക്കുന്നു .കേരളത്തെ പൂര്‍ണമായും തഴഞ്ഞ ഒരു റയില്‍വേ ബജറ്റും പൊതു ബജറ്റും ആണ് യു പി എ ഗവര്‍മെന്റ്റ് അവതരിപ്പിച്ചത് .ഇതിനെതിരെ പ്രതികരികേണ്ട കേന്ദ്ര മന്ത്രി മാര്‍ ഒന്നും പറയുന്നില്ല .

ജനങ്ങളെ മറന്നു  അധികാരത്തില്‍ കടിച്ചു തൂങ്ങുന്ന പ്രവണത കൊണ്ഗ്രെസ്സും  ലീഗും അവസാനിപ്പിക്കേണ്ടിയിരിക്കുന്നു .

സി പി ഐ യം  പാമ്പിനെ പാലൂട്ടുന്നു .

സി, പി, ഐ, യം പോലുള്ള ഒരു സംഘടിത ആദര്‍ശപാര്‍ട്ടിയില്‍ നിന്നു പ്രത്യകിച്ചു ഒരു കാരണവും ഇല്ലാതെ ഒരു രാഷ്ട്രീയ മുന്നേറ്റം നടക്കാനിരിക്കെ മറുകണ്ടം ചാടിയത്തിനു പിന്നില്‍   സി, പി, ഐ, യം നേതാക്കള്‍ ആരോപിക്കുന്ന പോലെ ഒരു ചാക്കിട്ടു പിടുത്തം തന്നെ നടന്നു എന്ന് വേണം ഇതു വരെയുള്ള വിവരങ്ങള്‍ വെച്ചു മനസ്സിലാക്കാന്‍ .ഭരണ പക്ഷത്തെ പ്രമുഖ വ്യക്തികള്‍ക്കും പങ്കുണ്ട് എന്ന് പകല്‍ പോലെ വ്യക്തമാകുന്നു .ശെല്‍വരാജ് ഇപ്പോള്‍ ആരോപിച്ച  ആരോപണങ്ങള്‍ സി, പി, ഐ,യംമില്‍ ഇന്നോ ഇന്നലെയോ തുടങ്ങിയതല്ല എത്രയോ വര്‍ഷങ്ങളായി നിലവിലുള്ളതാണ് .ഒരു വര്‍ഷം മുന്പ് യു ,ഡി ,എഫ് നെ തെറി വിളിച്ചു വോട്ട് നേടി എം എല്‍ എ ആയത്.അതെല്ലാം മാറ്റി പറയാന്‍ മാത്രം യു ,ഡി ,എഫ് മാറിയിട്ടില്ല .പണത്തിനും അധികാരത്തിനും വേണ്ടി പൊതു പ്രവര്‍ത്തനം നടത്തുന്ന ആളുകളെ ജനങ്ങള്‍ തിരിച്ചരിയെണ്ടതുണ്ട്.നെയ്യാറ്റിന്‍ കരയിലെ ജനങ്ങള്‍ ഉപ തിരഞ്ഞെടുപ്പില്‍ എതിര്‍ പക്ഷത്തിനു വേണ്ടി ശെല്‍വരാജ് മത്സരികുന്നെങ്കില്‍ പണത്തിനു വേണ്ടി മറുകണ്ടം ചാടിയ ഇയാളെ പരാജയ പെടുത്തണം .ഇനിയും ചാടാന്‍ നില്കുന്നവര്‍ക്ക് അതൊരു പാഠമാകും. ഇല്ലെങ്കില്‍ നമ്മുടെ നാടും കര്‍ണാടകയും ,ഒരീസ്സയും പോലെ കുതിര കച്ചവടം നടത്തി അധികാരം നടത്തുന്ന നാണം കേട്ട രാഷ്ട്രീയ കാരുടെ നാടാകും. മലയാളികള്‍ ഉയര്‍ന്നു ചിന്തികേണ്ടിയിരിക്കുന്നു .

പിറവത്ത് ആരു ജയിക്കും ,ജനങ്ങളോ രാഷ്ട്രീയകാരോ ..........?

ഉപ തിരഞ്ഞെടുപ്പ് നടക്കുന്ന പിറവത്ത് ആരു ജയിക്കും എന്ന് എല്ലാവരും ഉറ്റു നോക്കുകകയാണ് .രണ്ടു കക്ഷികളും നെഞ്ചിടിപ്പ്പ്പോടെയാണ് തിരഞ്ഞെടുപ്പിനെ  നേരിടുന്നത് .എല്‍ .ഡി .എഫ് ജയിച്ചാല്‍ പിന്നെ ഭരണ മുന്നണിക്ക്‌ ഒരു സീറ്റിന്‍റെ ഭൂരി പക്ഷമേ ഉണ്ടാകുകയുള്ളൂ .പിറവത്ത് യു .ഡി .എഫ് തോറ്റാല്‍ തീര്‍ച്ചയായും മുന്നോട്ടുള്ള ഭരണം മെച്ചപെടുത്താന്‍ യു .ഡി.എഫ് ശ്രമിക്കും .ജയിച്ചാല്‍ ആത്മ വിശ്വാസം വര്‍ധിക്കും അഞ്ചു കൊല്ലം ഭരിക്കാന്‍ .അപ്പോള്‍ തീര്‍ച്ചയായും കുറെ അഴിമതി ആരോപണം നേരിടേണ്ടി വരും .അത് കോണ്‍ഗ്രസിന്‍റെ ചരിത്രമാണ്‌ .ഒരു കക്ഷിക്കും അധികം ഭൂരിപക്ഷം ഇല്ലാതിരിക്കുന്നതാണ് സാധാരണ ജനങ്ങള്‍ക്ക്‌ നല്ലത് . ജനങ്ങള്‍ക്ക്‌ ഉപകാര പ്രദമായ പദ്ധതികളും വരണമെങ്കില്‍ ഇത്തരമൊരു ഭയം നല്ലതാണു .ഈ ഉപതിരഞ്ഞെടുപ്പോട് കൂടി പിറവം കാര്‍ക്ക് കുറച്ചു ഗുണം ഉണ്ടാകും .ഭരണ പക്ഷം പരമാവതി സഹായം ചെയ്തു വോട്ട് ശേഖരിക്കാന്‍ ശ്രമിക്കും .ഇടതായാലും ,വലതായാലും നമ്മുടെ നാട്ടിലെ ഉധ്യോഗസ്തരെ നിലക്ക് നിര്‍ത്താന്‍ കഴിയുന്ന ഒരു ഭരണ കൂടം വന്നാലെ ജനങ്ങള്‍ക്ക്‌ രക്ഷയുള്ളൂ .ഇല്ലെങ്കില്‍ എല്ലാം മുറ പോലെ തന്നെ നടക്കു .    

നല്ലതിനാവട്ടെ ജന സമ്പര്‍ക്ക യാത്ര

കേരളത്തില്‍ മുഖ്യമന്ത്രി ഉമ്മന്‍‌ചാണ്ടി യുടെ വണ്‍ മാന്‍ ഷോ [ജന സമ്പര്‍ക്ക യാത്ര]വളരെ ഗംഭീരമായി മുന്നേറുകയാണ് .പതിനായിര കണക്കിന് അപേക്ഷകളും പരാതികളു മാണ്‌ ഒരു ദിവസം കൊണ്ട് സ്വീകരിക്കുന്നതും പലതിനും പരിഹാരം കണ്ടെത്തുന്നതും .എന്ത് രാഷ്ട്രീയ ഷോകളുടെ പേരിലായാലും നൂര്‍ ആള്‍ക്ക് എങ്കിലും ഉപകരിച്ചാല്‍ അതിനെ അവഗണിക്കാനോ പരിഹസിച്ചു തള്ളുന്നവരുടെ കൂട്ടത്തില്‍ നില്‍ക്കാനോ കഴിയില്ല .സമൂഹത്തില്‍ വളെരെയധികം അവശത അനുഭവിക്കുന്ന കുറെ ആളുകള്‍ക്ക് ഓരോ ജില്ലയിലും ലക്ഷ കണക്കിന് രൂപ ധന സഹായം ലഭിക്കുകയുണ്ടായി.വര്‍ഷങ്ങളോളം കെട്ടികിടക്കുന്ന നിരവധി പരാതികള്‍ക്ക് പരിഹാരവും ഉണ്ടായതായും അറിയുന്നു .ലഭിച്ചിട്ടുള്ള ബാക്കി പരാതികള്‍ അതിന്‍റെ തുടര്‍ നടപടിക്കായി ബന്ധപെട്ട ഉദ്യോഗസ്ഥരെ ചുമതല പെടുത്തുകയും ചെയ്യുന്നു .സാധാരണ ക്കാരായ ജനങ്ങളുടെ പ്രശ്നങ്ങള്‍ക്ക് പരിഹാരവും സഹായവും ലഭിക്കുന്നെങ്കില്‍ ഇതൊരു വലിയ മുന്നേറ്റം തന്നെയാണ് .മുല്ല പെരിയാര്‍ വിഷയത്തില്‍ സര്‍ക്കാരിന്‍റെ

പ്രതിച്ചായക്ക് മങ്ങലേറ്റു വെങ്കിലും ജന മുന്നേറ്റ യാത്ര കുഴപ്പ മില്ലാത്ത ജനസമ്മതി നേടിയിട്ടുണ്ട് എന്നു സമ്മതികാതെ വയ്യ .മറ്റു മന്ത്രി മാരെ നോക്ക് കുത്തി കളാക്കുന്നു,ഉദ്യോഗസ്ഥര്‍ക്ക് ജോലിഭാരം കൂടുന്നു എന്നിങ്ങനെയുള്ള ചര്‍ച്ചകള്‍ നടക്കുന്നു .അതൊന്നും മുഖ വിലയ്ക്ക് എടുകേണ്ടതില്ല.പ്രശ്ന പരിഹാരത്തിനായി അതാതു വകുപ്പുകളിലേക്ക് റഫര്‍ ചെയ്ത പരാതികള്‍ മുടക്കം വരാതെ തീര്‍പ്പ് കല്‍പ്പിക്കാന്‍ മുഖ്യമന്ത്രിയുടെ ഓഫീസ് ശ്രദ്ധിക്കണം .കൂടാതെ ഓരോ വര്‍ഷവും ഓരോ ജില്ലയിലും ഇത്തരം പരാതി അദാലത്ത്  നടത്തി അഞ്ചു വര്‍ഷം കൊണ്ട് ഒരു സന്തുഷ്ട്ട സംസ്ഥാന മാക്കാന്‍ കഴിയെട്ടെ എന്നു മറ്റു രാഷ്ട്രീയ വിയോജിപ്പുകള്‍ തല്ക്കാലം മറന്നു കൊണ്ട് ...  ആശംസിക്കുന്നു  .