പുതപ്പ്

എനിക്ക് ആദ്യ സ്വപ്‌നങ്ങള്‍ പകര്‍ന്ന തറവാടിനു 

നിലത്ത് ചകിരി കരി തേച്ച തായിരുന്നു 

സമതലമല്ലാത്ത ആ നിലത്ത് പുല്ല് പായയില്‍ 

രണ്ടെറ്റം എത്താത്ത കീറി തുന്നിയ -

ഉടു തുണി പുതപ്പില്‍ ചുരുളുംപോള്‍

മേല്‍കൂരയുടെ ഓല കീറിനുള്ളിലൂടെ 

നക്ഷത്രങ്ങളെ കാണാമായിരുന്നു .

പുലരുമ്പോള്‍ പ്രകാശ രശ്മികള്‍ 

മേല്‍കൂര തുളച്ചു നാണയ വട്ടത്തില്‍ 

എന്നെ പുതയുമ്പോള്‍-ആ ഇളം 

ചൂടില്‍ ഒന്ന് കൂടി ചുരുളും 

ഡിസംബറിന്റെയും ജനുവരിയുടെയും 

തണുപ്പില്‍ ഉള്ളുറുങ്ങാതെ ഉറങ്ങുമ്പോള്‍ 

ഏറെ മോഹിച്ചത് ഒരു നല്ല പുതപ്പായിരുന്നു.