തീ

തീ ചൂളയിലെ കനലുകള്‍ക്ക് അണയാന്‍ കൊതി

പുകയാത്ത അടുപ്പിനു ആളി കത്താനും കൊതി 

തിരിഞ്ഞു നോക്കുമ്പോള്‍

കഴിഞ്ഞു പോയ കാലം ചാരമായി കിടക്കുന്നു 

മുന്നില്‍ പകച്ചു പോയ ജീവിതവും .

വിത്ത് പാകിയ കുറെ സ്വപ്‌നങ്ങള്‍ മുളക്കാതെ പോയി

മുളച്ചത് വളരാതെ മുരടിച്ചും പോയി 

തോറ്റു തോറ്റു ഇപ്പോള്‍ തോല്‍ക്കാന്‍ കൊതിയാകുന്നു 

ഞാന്‍ തോല്കുമ്പോള്‍ മറ്റാരോ ജയിക്കുന്നു 

അപ്പോള്‍ എന്‍റെ തോല്‍വിയിലും ജയം ഉണ്ട്

എന്തെങ്കിലും ചെയ്യുന്നവനെ ജയവും പരാജയവും ഉണ്ടാകുകയുള്ളൂ 

അപ്പോള്‍ കുറ്റവും ഉണ്ടാകും 

എന്നാലും മുന്നോട്ടു തന്നെ 

മനസ്സ് പതറുമ്പോള്‍ ഹൃദയ മിടിപ്പ് കൂടും 

എല്ലാം നല്ലതിന് എന്ന മഹദ് വചനം ഓര്‍ക്കും 

പിന്നെ എട്ടു കാലിയെയും..

കുറച്ചു നാള്‍ കൊണ്ട്  കുറച്ചു മറക്കും 

പിന്നെയും  വീണ്ടും പലതും  ചെയ്യും 

ഞാനങ്ങിനെ ആയി പോയി 

കാട്ടു ചെടികള്‍ക്കുംഭംഗിയും സുഗന്ധവും ഉണ്ടല്ലോ-
   എന്ന ഒരാശ്വാസം മാത്രം.