അനുഭവം

എന്‍റെ മനസ്സിലൂടെ ഒരു കടലും 

ഞരമ്പിലൂടെ ഒരു നദിയും ഒഴുകുന്നു 

എന്നിട്ടും, ഹൃദയ വേദന മാറാന്‍   

കണ്ണു നിറഞ്ഞു ഒഴുകുന്നില്ല..

ഹൃദയ ശൂന്യനെന്നു ചിലര്‍ 

കണ്ണില്‍ ചോരയില്ലാതവനന്നു മറ്റുചിലര്‍ 

പറഞ്ഞത് മൂടിവെച്ച്,പറയാത്തത് 

പലവുരു പലരും പറഞ്ഞു , 

അറിഞ്ഞു കൊണ്ടായിരുന്നില്ല 

ഉറയ്കാത്ത മണ്ണില്‍ കുറെ നടന്നപ്പോള്‍ 

കാലൊന്നു ഇടറി അത്ര മാത്രം 

ഹൃദയം എരിഞ്ഞുതീരുമ്പോഴും 

പൌരുഷം ..കണ്ണു നീരിനെ

കടല്‍ ഭിത്തി പോലെ തടഞ്ഞു .